neteh pechi uutaahch


an wiishkichaakamikw ALF. Tardif kaa aapahiikanuwich an aapatisiiwin 1939 kaa ichishtech e pipuhch, an niishtam kaa chihchipayihtaat Alfred Tardif umuushum an mekwaach anuhchiish naakanishkahk Claude Tardif. nishtu maak uuchii Tardif eti anischepimaatisiitwaau naashtaapweh chii saachihtaauch uuyuu aapatisiiwiniyuu.

anit uhchi 1939 piiham 1947, Alfred Tardif chii kaschihtaau wii e nanaakachihtaat kayeh misiwe chekwaayuu e miyupayihtaat, e naanituukacheschetihtakanuuhkwaah chekwaayuuh eti iyaapatihkwaauh uutaapaanihch. ekuh an George Tardif uhtaawiih Claude, ekut kaa uhchi chihchipayiyich e ataawetwaa uutaapaanh uuyuu aapatisiiwiniyuu kaa ihtakuniyich 1947 kaa ichishtech e pipuhch. mekwaach maak an, uu waaskaahiikan uuchiyei meskanuu kaa ishinihkaatech ekuth chemitech aniteh Millaire kayeh Godbout ekuth wehtinikanuuhkwaah chekwaayuuh e iishi nituuweyihtaakuch uutaapaanihch ekuth anith chemitech an waaskaahiikan.

 

wiyesh anith 1960, Tardif wiishkichaanikamikw kampinii. kaa utinichet pimiiukamikuyuu (shell) Leo Cyr e ihtaayich. masinahiicheukamikw kayeh uutaapaanh e atawaanuuhkwaauh chii aahchihtaakanuu aniteh e ushkaat che chimitech, aniteh shaawinuutaahch itehche e uhchi piihtepayinaanuwich eimis Principal meskanuu kaa ishinihkaatech. Germain Roy piiywaapiskwh kaa itaapiskashtaatwaau, ekut mekwaach chemitech anuuhchi.


an e pipuhch 1967 an nishtu kaa ihtaat Tardif e anischepamaatisiit, chii asichipayuu kayeh wii anyuu aapatisiiwiniyuu kaa pechi ihtaayich Michel, Pierre kayeh Claude. chek maak anichii e peyakuteusiitwaau Tardif chi nichishkamuch chekwaayuu e uushtaapayitwaau. aniyuuh uhchi Pierre kayeh Michel kaawaweyeyihtamiitch che puuniaapatisiiyihch uuyuu aapatisiiwiniyuu uhchi. Claude Tardif shaash wii mikw maahchi peyakushuu e usimimaaut aniyuu uhchi niishtan kaa chihchipayihtaayich che pimipayihtaat e aapatisiishtahk aniteh e peyakuteusiitwaau uuyuu kaa saachihtaatwaau aapatisiiwiniyuu.

anichii pehpeyakw ayaanische kaa atah uschipimaatisiitwaau, kaa ispayich kayeh e miyupayich uu aapatisiiwin namui uuhchi puunipayiyuu kayeh naashch chii miihkwaachipayiyuu. tiiwehch maak chii chischeyihtamuch naashch e miyunanaakachihtaatwaau aniyuu aapatisiiwinh anit peyakuyich e ihtakuniyich. ekuh 1976 kaa ichishtech e pipuhch, chii chihchipayihtaakanuuyuu e ushihtaakanuwich aniyuu Tardif wiishkichaanikamikuyuu anit wiiwaa e tipiweusiitwaau che chimiteyich, aniteh 122 kaaitimuch 111 waapanuutaahch itehche eimis.


wiipach an e pipuhch 1980, Yvan Gagnon kaa wiichihaat kayeh wii kaa tipiiweusiic, aniyuu kaa chihchipayihtaakanuwich 1976. kaa kanawaapahtaakanuwich che chii miyupayich, kaa naanituuwaapahtikanuwich miin che ihtahkuch kayeh kuiskw kaa miskuwaataakanuwich che chii miyuwiichihaapatisiimitutwaau. peyakunich maak che chii ihtakuhkwaau aniyuuh chekwaayuuh uutaapaanihch e ihtaapatihkwaah, uu maak kaa maamuuwiinaanuwich chii aahchihtaakanuu che chii miyupayich an Tardif wiishkichaanikamikw aniteh eimis kaa pihkanihiitutwaau keruu phaantiiyaak piiyuuwiik kampinii.

ekuuh iyaakw Tardif wiishkichaanikamikw iihch kaaispayiyich chekwaayuu, an uhchi aniyuu GM e ushkaach e ishinakuhch uu 2003 e pipuuhch. kaa iteyihtahkwaau che pichitinaatwaau shuuyaanh che ushihuuyich 1.2 miliiyan. uuyuuh maak kaa aachihtaakanuhkwaauh chekwaayuuh aniteh kaa iishi ashichipayihkwaau piihtakamihch kayeh aniteh wiiwiitamihch aapatisiiwinich kayeh ihtuutahkwaau e maamuunihkwaau aniyuuh kaa iishi miyupayihtaatwaau. chi nuukuniyuu maak e miyupayiyich aniyuuh aapatisiiwinh. chii ayachihtaakanuu kayeh, shaash ihtakuniyuu e ushkaayich e piihtepayihtaakanuuyichh uutaapaanh. nituweyimeuch maak aniyuuh aweyuuh kaa aapatisiishtamuwaatwaau che iishi wiiwiipayihtaayich uutaapaaniyuu aniteh e paahkwaayich aschiiyuu, namui wiyeshiniyuu taan che iteyihtaakuniyich chishikuyuu.